記得幾年前睇《大軍師司馬懿》電視劇個陣，劇情講到司馬懿同佢太座張春華關係好好，甚至張春華為咗老公出生入死。不過做戲還做戲，响歷史上司馬懿對張春華，好似都幾麻麻。
司馬懿嘅夫人張春華有「春小太歲」之稱，俾後世人嘅印象係果決勇猛，佢護佢老公最出名嘅事就係殺咗個婢女。當時司馬懿以患有風痹疾病為藉口，拒絕曹操任命，但有一1次晾曬書籍個陣突然遇到大雨，司馬懿就突然起身自己去收書，咁啱又被家中婢女見到，張春華擔心司馬懿扮病一事泄露，於是親手殺死婢女滅口，而呢件事成為張春華護夫嘅著名事跡。不過，响往後日子，司馬懿有寵受柏夫人，冷落咗張春華之餘，仲對佢好厭惡。據《晉書‧后妃傳》所載，其後柏夫人有寵，后罕得進見。帝嘗臥疾，后往省病。帝曰：「老物可憎，何煩出也！」張春華咁樣俾司馬懿話「老物可憎」，於是就絕食自殺，連佢幾個仔都跟住咁做，最後司馬懿道歉認錯。不過佢後嚟同人講話「老物不足惜，慮困我好兒耳！」講明唔太意張春華，咁佢兩個關係似乎無好似電視劇講到咁好喎。
評論：
共0 條評論